ZAZAKÎ NEWS - Serekê Rûsya va, o wazeno serekê Ukrayna dir 15ê Gulane de Tirkîya de pêvînayîşêk bikero.
Dîplomasîya ke semedê peynîkerdişê herbê Ukrayna yena kerdiş aver şina.
Putinî ewro derheqê Zelenskî beyanatêk da.
Serekê Rûsya va, o wazeno serekê Ukrayna de 15ê Gulane de Tirkîya de yew pêvînayîş bikero.
Verê nê vengdayîşî, Ukrayna û Rûsya adirbestekê 30 rojî kerdbi la no adirbest badê betal bibi.
Zelenskî pêşnîyazê Putinî qebul kerd û va:
"Tu sebeb çin o ke kiştişî û şerd dewam bikerê. Ez do Pancşeme Tirkîya de paweyê Putinî bî. Ez bawer kena na hey Rûsya do bahaneyan nêvirazo."
Verê mesajanê Zelenskî, Trumpî zî bi rayê Truth Socialî destek dabi pêşnîyazê pêvînayîşî.
Trumpî wina nuştbi: "Ganî Ukrayna ney qebul bikero. Encax ê eşkenê qerar bidê ke werêameyîş bibo yan nê.."
Heto bîn ra, îdarekarê Ewropa zî derheqê pêşnîyazê Putinî de keyweşîya xo îfade kenê.
Serekê Fransa Emanuel Macron zî verê pêameyîşî, waştişê xo yê adirbestî de israr keno.
Qesra Elyseeî beyanatê xo yê roja Yewşeme de ca dabi lazimtîya adirbesteyî.
