ZAZAKÎ NEWS - Maçanê rovanşî yê çareka fînalî yê Lîga Şampîyonan a UEFAyî de Paris Saint-Germain (PSG) û Barcelona vîyartî nême-fînalî.
Kayê tewr biprestîj yê futbolê Ewropa de di maçê bînî yê rovanşî yê çareka fînalî ameyî kaykerdiş.
Barcelona ke maço yewin de 4-0 bi ser kewtibî, maçê rovanşî de Stadyumê Westfalenî de bî mêmanê Borussia Dortmund ê Almanya.
Nê maçî de Borussia Dortmund bi penaltîya "Panenka" ya Serhou Guirassy deqîqeya 11. de kewt vernî û eyni kaykerdoxî deqîqeya 49. de golêka bîne eşte û netîce bi 2-0.
Barcelonayî deqîqeya 54. de bi gola ke Ramy Bensebainiyî eşt ferq ardt 1.
Guirassy deqîqeya 76. de hat-trick kerd û netîce bi 3-1.
Qismanê mendeyan yê maçî de zî çi golê bînî nêameyî eştene û Barcelona bi avantajê maçê yewinî vîyart mîyanê 4 tîmanê peyênan.
Barcelona do nême-fînalî de bi serkewteyanê maçê Bayern Munich û Interî reyde kay kero.
PSG Îngîlistan de vînî kerd la la vîyart nêm-fînalî
Maçê rovanşî yo bîn de PSG ke maço yewin de 3-1 bi ser kewtibî, bi mêmanê Aston Villaya yê Îngîlistan.
Maço ke Villa Parke de ame kaykerdiş de tîma Fransa bi gola Achraf Hakimî deqîqeya 11. de 1-0 kewt ver û bi gola Nuno Mendes a deqîqeya 28. de ferq vet 2.
Aston Villayî deqîqeya 34. de bi gola Youri Tielemans ferq ard 1.
Tîma Îngîlistanî bi leze dest bi nêmeya diyine kerd û deqîqeya 55. de John McGinnî gole eşte û bi gola Ezri Konsa ya deqîqeya 58. de 3-2 ver kewt.
PSGya ke wextê mendeyan de skor pawit biletê nême-fînalî eşte cêbê xo.
PSG do nêm-fînalî de vera serkewteyanê maçê Arsenal û Real Madrîdî kay bikero.
Maçê yewinî yê nême-fînalî do 29/30ê Nîsane û maçê diyinî zî do 6/7ê Gulane bêrê kaykerdiş.
Maçê fînalî zî do 31ê Gulane de Allianz Arenayî de bêro kaykerdiş.
