Xebatê Komeleya Cigêrayîş û Averberdişê Kultur, Huner û Ziwanê Kurdkî (ZIWAN-KURD) ya Sêwregî dewam kenê.
Çarçeweya xebatanê ziwanî de, ZIWAN-KURDî bi hetkarîya Komeleya Cigêrayîşê Ziwan û Kulturî ya Mezopotamya (MED-DER) û Komeleya Ziwan, Kultur û Hunerî (ANKA-DER), seba gedeyan çalakîyêke viraşte.
Kuçe de govende, bîna de perwerde
Verî ke çalakî dest pê bikero, mamosteyanê ZIWAN-KURD û MED-DERî, gedeyan reyde kuçeyanê Sêwregi de ameyî têhet. Înan uca muzîk kerd a û mirdîya xo keyf kerd. Dima ra zî şîyî bînaya komele.
Bînaya komele de domanan verî govende girewte û eyf kerd. Dima ke govend qediya, mamosteyan Alfabeya Kurdkî musna gedeyan.
Çime: MA
