ZAZAKÎ NEWS - Serekê Yewîya Demokrat a Xirîstîyan (CSU) Friedrich Merz tûra dîyine ya raydayîşê Parlamentoyê Almanya de sey serokwezîr ame weçînayene.
Friedrich Merz seba serokwezîrtîye, raydayîşê tûra yewine ya Parlamentoyê Federal de pêro rayî nêgirewtbî.
621 parlamenterî beşdarê raydayîşê tûra yewine bîyî û Merzî 310 rayî girewtî.
Seba ke Friedrich Merz bîamêne weçînayene, lazim bi ke 316 rayî bigirotêne.
Seba weçînayîşê serokwezîrî, Parlamentoyê Federal ê Almanya (Bundestag) de hewna raydayîş ame kerdene.
Tûra dîyine de 618 parlamenterî beşdarê raydayîşî bîyî û Merzî 325 rayî girewtî.
Raydayîş de 289 parlamenteran rayê "nê" da, 1 parlamenter zî bêteref mend û 3 rayî zî nêameyî qebulkerdiş.
Bi nê encamî, Friedrich Merz bi serokwezîrê newe yê Almanya.
Badê weçînayîşanê pêroyî yê 23ê sibatî, partîyê Yewîya Xirîstîyan (CDU/CSU) û Partîya Sosyal Demokrat (SPD) seba awankerdiş̧ê hukmatî yewbînan werê ameybî.
