Îdareyê qeyûmî yê Şaredarîya Bajarê Pîlî ya Wanî, bi îdîaya "qeydê arşîvî negatîf ê", 223 karkerî kar ra vetî û herinda înan de 84 kesê neweyî girewtî kar. Ame zazanyîş ke kesê ke newe ameyê girewtene, hetê AK Partî ra ameyê bewlîkerdiş.
Karkerê ke yew hewte verî kar ra ameyî vetiş, a roje ra nata vera nê qerarî çalakîyan virazenê.
Heto bîn ra, ame zanayîş ke, kesê ke hetê îdareyê qeyûmî ra newe ameyê girewtiş, ê kesî yê ke qeyûmî yew wexto kilm verê weçînayîşanê 31ê Adare de, waştişê AKPyî ser o girewtbî kar, la dima ra hetê îdareyê DEM Partî ra kar ra ameybî vetiş.
Hetanî nika 84 kesî ameyê girewteiş û yeno îdîakerdiş ke na lîste hetê endamanê AK Partî ra ameya hazirkerdiş.
