Rejîmê Îranî ewro serê sibayî Hepisxaneyê Urmiye yê Rojhilatê Kurdistanî de 5 hepsî îdam kerdî.
Goreyo ke ame zanayîş, 4ê înan Kurd kesêk tira Tirk o.
Teşkîlatê Heqanê Merdiman yê Hengawî aşkere kerd ke înan ra yew zî cinî ya.
Kesê ke ameyê dardekerdiş nameyê înan nê yê :
Perwîn Mûsewî 50 serrî , Mesnûr Nasirî 45 serrî, Yûsif Seidî 32 serrî, Ramîn Lewend 27 serrî û Perwîz Qasim 35 serrî.
Îranî hîrê rojî verî 6 Kurdê bînî îdam kerdbi.
Amnesty Internationalî aşmêke verê cû yew rapor vila kerdbi û vatbi; " Komara Îslamî ya Îranî dest bi destbendkerdiş û îdamkerdişan kerdo. Her serre Îran de hûmara kesanê ke îdam benê zêdîyena. Rejîmê Îranî bi taybetî Kurd, Balûc û Ezerîyan îdam keno. Demê peyênî de Kurdê Yarsan û Kurdê Sunne zî zêde yenê îdamkerdiş..
Par 151 Kurdî ameybî îdamkerdiş
Goreyê teşkîlatê Heqanê Merdiman yê Îranî, tena mîyanê 2 aşmanê peyênan de 171 kesî Îran de ameyê îdamkerdiş.
Serra 2023î de Îran û Rojhilatê Kurdistanî 823 kesî ameybî îdamkerdiş û înan ra 151 kesî Kurd bî.
Goreyê teşkîlatê AMNESTY Internationalî cezaya îdamkerdişî tewr zêde welatê Çîn de esta û Rejîmê Îranî zî rêza diyîne de ca gêno.
