Mehmed Olmez
Lajekî va:
Ez eşkena biba deyîrêke
Yan zî şîîrêke
Yan zî hîkayeyanê to ra yewe
Ez eşkena biba fikrêkê to
ke seba gamêke bibo zî
to derdanê to ra dûrî bikero
yan zî bido vîrkerdene.
Ez eşkena biba çîyêkê to
Tabloya ke dêsê to ra aleqneyaya,
Tîk-takê saeta to ya dêsî…
Ez eşkena biba verçimikêkê to
ke ti tira hêvîyanê xo ra biewnîya
Ez eşkena biba sibaya to ya muhtemele
Ez eşkena biba lîlikêk ke ti her roje biewnîya
Eşkena biba romanêk ke dejanê to sivik bikera.
Werekna ez bieşkîyayêne biba hewnêkê to ke heme waştişê to tede yê.
Ez eşkena biba her çî,
Şîîrêke
Deyîrêke
Saetêke
Tabloyêk
Ez eşkena biba fikrêk zî
La ez nêeşkena biba kesêko bîn
Nêeşkena biba kesêko bîn.
Cairokee
Na deyîre Cairokee -Qabl El Wosool a. Mi na deyîre kanalê Betül Beyazyüz ê youtubeyî ra ra girewte, aye açarnaybî tirkî, mi tirkî ra açarnaya.
