Goreyê raporê Komeleya Rojnamegeran a Dîcle-Firatî (DFG) yê 2023î, Tirkîya de 57 rojnamegerî hepisxane de yê. Mîyanê rojnamegeranê hepsîyan de Hemsereka DFGyî Dicle Müftüoğlu zî esta.
Komeleya Rojnamegeran a Dîcle-Firatî (DFG) wesîleya 10ê Çeleyî Roja Rojnamegeranê Xebatkaran ra raporêk vila kerd û rapor de behsê binpaykerdişê heqan yê serê rojnamegeran kerd.
Goreyê raporî serra 2023î de 36 rojnamegerî rastê hêrişî ameyê, polîsan eşt keyeyanê 43 rojnamegeran ser, 119 rojnamegerî ameyê tewpiştiş. Derheqê 75 rojnamegeran de tehqîqat dîyayo dest pêkerdiş, derheqê 66 rojnamegeran de dewa ameya akerdiş, 44 rojnamegerî zî ceza girewtî.
Goreyê raporê DFGyî nika Tirkîya de 57 rojnamegerî hepisxane de yê.
