Şaredarîya Peyasî ya Amedî de kursê Zazakî û Kurmanckî

ZAZAKÎ NEWS - Şaredarîya Amedî ya Peyasî (Kayapınar), seba pawitiş û averberdişê ziwanê Kurdkî xebatanê xo rê dewam kena. Şaredarîye da zanayîş ke ê do 21ê Sibate Roja Ziwanê Dayîke ya Dinya, bi akerdişê kursanê neweyan ê ziwanê dayîke yad bikerê.

Pêro welatîyê ke wazenê ziwanê dayîka xo bimusê û hîşê (şûrê) ziwanî aver berê, eşkenê seba qeydkerdişî muracatê Şaredarîya Peyasî bikerê.

Muracat koti û key beno?

Kesê ke wazenê beşdarê kursanê Kirmanckî (Zazakî) û Kurmanckî bibê, eşkenê nê merkezanê cêrênan rê muracat bikerê:

• Kitabxaneyê Eseranê Cinîyan ê Peyasî (Parka 75)
• Merkezê Cuyayîşê Cinîyan ê 500 Evlerî (500 Keyeyî)
• Sûka Keda Cinîyan (Gazîler)
• Merkezê Perwerdeyî yê Celadet Elî Bedirxanî (Lûna Park)
• Merkezê Perwerdeyî yê Halîl Îbrahîm Oruçî (Taxa Quçayî)
• Atolyeya Hunerî (Huzurevleri)