ZAZAKÎ NEWS – Parlamenterê DEM Partî Serhat Erenî ewro hesabê xo yê Xî ser o derheqê programê “Şerê Serdî”î de yew mesaj pare kerd. Erenî, heqaretê ke programê kanalê YouTubeî de vera Şêx Seîdî ameyî kerdene û da zanayene ke no hêriş tena yew şexsîyetî rê nê, mîlyonan Kurdan o rê bîyo.
“Hêrişêko vera mîlyonan Kurdan o”
Erenî mesajê xo de wina va:
“Qiseyê ke derheqê Şêx Seîdî de kanalêkê YouTubeyî de ameyê vatene, tena hêrişêko vera yew şexsîyetî nîyo, heman wext de hêrişêko vera mîlyonan Kurdan o zî.
Bi nameyê ‘mîzahî’ heqeretkerdişê rayberanê tarîxîyan ê nê erdî, aştîya komelkî ney, dişmenîye zêde keno.
Şêx Seîd, Seyîd Riza û xeylê ercê bînî, rûmet û vîrê xoverdayîşî yê şarê Kurdî yê.
Şarê Kurdî vîzîr zî wayîrê ercanê xo vejîya, ewro zî vejîyeno.
Zurê tewr dergî û hîrayî yê dewleta Tirkîya, reşkerdiş û înkarkerdişê rayberanê Kurdan ser o ameyê awankerdene.
Êdî gerek zur, înkar û dişmenîya 100 serran biqedîyo.”
