Namzetê Serekkomarî yê Îtîfaqê ATAyî Sînan Ogan do ewro derheqê dora diyîne ya weçînayîşê serokkomarîya Tirkîya de qerarê xo aşkere biko.
Ofîsa Medya ya Sînan Oganî bi beyanatêk aşkere kerd ke, Ogan do ewro saete 17:00 de Ankara de kombîyayîşê çapemenî biko û aşkere biko ke o do dora diyîne ya weçînayîşî de destek bido kamcî namzetî.
Namzetê Îtîfaqê ATAyî Sînan Oganî weçînayîşê Serekkomarî yê 14ê Gulane de se ra 5,17 rayî girewtbî. Namzetê Cumhurî Recep Tayip Erdoganî se ra 49,52 û namzetê Miletî Kemal Kılıçdaroğlu zî 44,88 rayî girewtbî.
Weçînayîşê Serekkomarî yê Tirkîya do 28ê Gulane de newe ra bêro kerdene. Na dore de kamcî namzet zêde rayan bigîro beno Serekkomarê Tirkîya.
Dora diyîne de Namzetê Cumhurî Recep Tayip Erdogan û namzetê Miletî Kemal Kılıçdaroğlu ca gênê.
