Hemşaredara Şaredarîya qezaya Amedî Sûr Fatma Gulan Onkol, endamê meclîsî, Rayberîya şaredarîye ya Cinîyan çarçewaya pîrozbayîşanê 8ê Adare Roja Cinîyan a Dinya de kombîyayîşanê xo cinîyan reyde domnenê. Na çarçewa de kombîyayîşê ewroyî taxa Tilîlek (Ozeklî) de ame kerdene.
Kombîyayîşî de Hemşaredare Onkol yew bi yew cinîyê ke beşdar bîyê, goşdarî kerdê û waştişê înan hetê xo ant pêser. Hemşaredare îzah kerd ke Rayberîya Cinîyan a mîyanê şaredarîye de her game kîşta cinîyan de ya û xizmetê înan de ya.
Kombîyayîşî de sewbîna ame vatene ke cuyêka newe bi piştî û têkoşînê cinîyan mumkun a.
