Munzur Can

ma xwu dîyo nêdîyo Pîl'î ma vanî

şew kêberî xwu padê, Roc fekî xwu padê!

no vate têyna, derûnîya şarî kurdî fîneno çiman ver,

fêm beno ki yan şima do fekî xwu padî yan zî şima do bimrî, yanî bi estbîyayîşî xwu û bi kamîya xwu mecûwê! no emrê kamîyo? no emrê HOMAyî yo?

no emrê dewletano?no emrê pêxemberano?

no emrê Quranî yo?no emrê încîl'î yo?

no emrê zebûr'î yo? no emrê Tewrat 'î yo?

no emrê Zendaavesta yo?

no emrê kam mishef'î yo??

ma bêrî hêrîşî faşîstan ser,

2003 di: ankara ayaş di 40 50 keso ramit karkeronî kurdan ser lînç kerdî, Mîyanî hêrîşkerdon di serekî şaredarî zî bi.

2004 di: muğla bodrum di rêyna dikan û keyeyî şarî kurdan ameyî talokerdiş û veşnayîş.

2005 di: düzce Akçakoca di dewa karatavuk di

faşîsto ramit kurdan ser yew kesî cuwayîşî xwu vînî kerd,yew kes zî dirbetin bi.

2007 di: Stenbol înşaatî toki di faşîsto ramit karkeronî kurdan ser cayî rakewtişî veşnayî,

la polîsî ki ameyî bi erebanî xwu ramit kurdan ser û kurdî kûtî kerdî binçiman.

2008 di: kocaeli gebze di kurdî rar di girûyayni lînç kerdî, cayî rakewtişî veşnayî.

2009 di: rize di karkerî kurdî ameyî lînçkerdiş.

2011 di: Eskişehir di rêyna faşîsto ramit kurdan ser bi kard'o 8 kurdî dirbetin kerdî.

2012 di: Kütahya di dormerêy 500 keso ramit karkeronî kurdan ser, karkerî ameyî dirbetin kerdiş û ca yini ameyî veşnayîş.

2013 di: Erzurum di karkerî ameyî lînçkerdiş û 2 kesî dirbetin bî.

2014 di: Antalya Manavgat di kurdî kobanî ameyî lînçkerdiş, mecbûr mendî ki ûca ra vecî.

2016 di: Stenbol Üsküdar di seba ki goştarîya mûzîkî kirdkî kenî 3 kesî ameyî lînçkerdiş.

2017 di: ankara Nallıhan di bi awayeko faşîzane kurd ameyî lînçkerdiş.

2018 di: Sakarya di kadîr şakçi ame qetilkerdiş û lacê yî dirbetin bi.

2019 di: Trabzon di kurdî ki başûr ra seba geyrayîşî ameybî, ameyî lînçkerdiş..

2020 di: sakarya di faşîsto ramit karkeronî kurdan ser yew " carmêdo" ki da yew cenî ro, hema zî o fotoraf ha çimanî ma vera yo.

2021 di: konya di 7 kurdî bi awayeko faşîzane ameyî qetilkerdiş.

Çime: İHD..

nika zî Zonguldak û Düzce di rêyna faşîsto ramit kurdan ser, gede û cênîyan dima sey kûtikan vazdayni.

ma eşkenî hema zaf zaf derg bikerî

bi nûştiş û vatiş,kerdoxî faşîstan nêqedînî,

la wexto ki tirkî şonî welat û bajaronî kurdan yenî

wesfê kurdan danî,heta emrê yin bibo eşkenî Qalbikerî, hema emser amed erxenî di

Bîçera yew yozgaticî veşayî kurdan xwu mîyandi

pereyî top kerdî û dayî ê yozgaticî,

gelo wexto ki başê û merdimbîyayîş vila bîyo

tayn kesî kotî di bî, ki însonatêyra bê bar mendî!

kurdan ziwanê kesî înkar nêkerdo,welat kesî înkar nêkerdo, esbtbîyayîşî kesî înkar nêkerdo,

nameyî bajar dewanî kesî înkar nêkerdo,

la nê heme çî yî ameyî kurdan ser,

Rêyna zî fekî xwu padayîş barê kurdan'o ??

kotîyo huquq kotîyo Dad (edalet)?

çîyo ki kurdan sero yeno ferzkerdiş xwu nêşinasnayîşo, vanî xwu meşinasnê sey kamîya kurdayetî mecûwê, ger şima wina nêkî şima do bêrî kiştiş,sûrgûnkerdiş û hepiskerdiş, la sesera vîst û yewin di kurdan xwu şinasnawo û pirênî koletî dirnawo eşto ê pirênî xwura nêdanî,gere dewletî serdestî, û rayverî kurdan zî nê bizanî,

hinî şarî kurd mêşin nîyo lazimê şarî kurdî şone (şivon)yo çinîya, wa rayverî dewleti û rayverî kurdan

estaniko ma rî nêvacî, hinî kes bawer nêkeno,

vanî nêzano eynî sero di naşîyo lec kerdo pîlî

pîlî yin zî badî lec kerdo yanî irkçîyê nîya lecî di malbato no, bi nêy estaniko ya şima xwu xapênenî yan zî mirîdanî xwu, şar û wayerî aqilî nêxapîyenî

destanî xwu yî lêymino şarî ma sero mecerebnê.

se ki Seyîd Riza'yî nêva, şaro kurd şima ver di çok nêdano,wa şimarî bibo derd.

mezg û pergalî şima tasadûf nîyo

xwuverdayîşî şarî kurd zî tesadüf nîyo...