Mehmet Ay

No hewte ez wazena qale tehtîl bikerî. Bi aşmêk ra zêder o ma û gedan dekewtî tehtîl. Gedeyê ma yew serre de karê xo kerd, şiyî wendegeh ders suxulyayî, mamosteyî çi wazîfe da yîn kerd û sererra xo qednay, qarneya xo girewt û zaf bîye rincan. Hîndî wextî arisayîş o. Û wextî geyrayîş o. Semedî gedan rewşe weş a la semedî maye û pî rewşe aynî nîyo. Gedeyî wextik şinî wendegeh keye de yew bêvengîney virazîyena, ma yî û pî ye ma zî serreyîn bîne asan.

Wextik bi tehtîl (betlane) gedeyî ameyî keye gere ma û pî zî nîzdî 3 aşmî bihewnî gedan xo. Hamnan o germ o gedeyî wazenê dekew hewze yan zî cekêko honik ra bigêrî. Ma û pî gere wazîfeyê xo biyarê ca. Gere gedanê xo rê wayîr vecî tehtîl de gede wextî xo mîyan mehla da yan zî yewna darover de vîyarnen. Wendegehan kem yan zî zaf ma zanî çi tewr yew ca yê. La kûçeyî ay tewr nîye. kuçeyanê ma de her tewir merdîm est ê. Ayî ke reqî wenî ayî ke esrar ancenî ûsn...

Sey yew ma û pi gere ma hereket bikerî ma nê kuçeyan ra xeberdar bibi û ma gedayanê xo ra hayîdar bî. Eya, tehtîl o wa gedeyê ma keyfweş bibî wa bigeyrî wa embazanê xo dir wext vîyarnî la her merdîm dir nêroşnî, nêwarzî.

Yew serre de ma andîk ser gedeyanê xo dir vindertî ma perwerde da ci, ma semedî perwerdeyo rind xususî mamosteyî tepiştî wa pero nê xebatê ma nêbê veng.

Tehtîl veradayîşey nîyo?

Tehtîl semedî gedeyî ez her çî kena nîyo?

Ma gere se bike..

* En vernî de embazan gedeyanê xo bişinasnê bihawnî gede kam dir geyreno kam dir warzeno kam dir ronîşeno.

* Wext vîyartiş, gedeyanê xo dir wext vîyarne pîya bigeyre pîya şêrê eke hewz esta hewz de piya bibê keyfweş.

* Kitab biwanê, gedeyanê xo dir pîya kitab biwanê wa gede bizano ke şima zî qiymet danî wendiş.

* Kay bikerê, gedeyanê xo dir kay bikerê pîya şêrê xalî saha yan zî basketbol...

* Kitabxane ra bigeyrî û kitab biherîne, yew aktîvîteye ka zaf weş a.

* Pîya xoza ra bigeyrî daro berr vînê mîyanê tebîetî de wext vîyarne.

Ma çend gedan xo dir wext vîyarne ma andik zanî ke gedeyê ma ha emnîyetiyê ma çend gedeyanê xo ra durî bikê geday ma andîk ha tehluke de yê lewra kuçeyî sey ver nîye, merdimî sey ver nîye.....

Weşîye de bimanê.