Tirkîya û herême de 81 şaristanan, 973 qezayan û 390 nehîyeyan de ewro weçînayîş yeno kerdene.
Weçînayîşê mehelî de 61 mîlyonan raydayoxî, 208 hezar sindoqan de rayanê xo do bidê.
Serekê Heyetê Weçînayîşî yê Berzî (YSK) Ahmet Yenerî eşkerayîya xo ya ke çend roje verê cu dabî de vatbî ke 36 partîyê sîyasî eşkenê tewrê weçînayîşê 31ê Adare bibê. Weçînayîşê herêmî de 61 mîlyon 441 hezar û 882 weçînitoxî do şêrê serê sindoqan. Heto bîn ra bajarê Kurdistan û Tirkîya de 256 hezar û 556 sindoqî do bêrê ronayîş û şar do rayanê xo bierzo.
Heto bîn de 1 mîlyon 32 hezar û 610 ciwanî do reya yewine raye bierzê.
Semsûr, Agirî, Artvin, Çewlîg, Bedlîs, Amed, Xarpêt, Erzîngan, Erzirom, Dîlok, Giresun, Gumuşhane, Colemêrg, Qers, Meletî, Mereş, Mêrdîn, Mûş, Ordu, Rize, Sêrt, Sêwaz, Trabzon, Dersim, Riha, Wan, Bayburt, Êlih, Şirnex, Erdexan, Îdir û Kîlîs de 07.00 de raydayîş dest pêkerd û 16.00 de biqedo.
Şaristananê bînan de raydayîş 08.00 de dest pêkerd û do heta 17.00 dewam bikero.
Muxdaran pêrodayîş kerd, kesêk kişîya
Heto bîn ra Qezaya Dîyarbekirî Sûr, dewa Cirnike de wexto ke demê raydayîşî dewam kerdêne pêrodayîş vejîya. Pêrodayîş de Wazîfedarê sindoqe yê DEM Partî pêrodayîş de kişîya.
Goreyo ke ame zanayîş, demo ke rayî amêne dayene, mabênê di keyeyan de minaqeşe vejîya û badê zî pêrodayîş vejîya. Pêrodayîş de welatî Emin Çelik o ke wazîfedarê sindoqe yê DEM Partî bi kişîya. Pêrodayîş de 11 kesê bînî zî birîndar bîyî.
