Serekê Pêroyî yê Zafer Partisi Ümit Özdağî aşkere kerd ke, weçînayîşê 28ê Gulanê yê Serekkomarî de paştî bidê Kemal Kılıçdaroğlu.
Namzetê Îfîfaqê Miletî Kemal Kılıçdaroğlu û Serekê Pêroyî yê Zafer Partisi Ümit Özdağ merkezê Zafer Partisi de ameyî têhet.
Pêvînayîşê Ozdağ û Kılıçdarogluyî ra dima Ümit Özdağî aşkere kerd ke, înan qirar dayo ke semedê weçînayîşê Serekomarîya Tirkîya paştî bidê Kemal Kılıçdaroğlu.
Îdîa beno ke, eke Kemal Kılıçdaroğlu bibo serekkomarê Tirkîya do Ümit Özdağî biko Wezîrê Karanê Zereyî yê Tirkîya.
