Mehmet Ay
Ez bi 2 hewteyo ke qalê wendegehan de hêrîşkarî kena. Ez wazena ke no hewte zî ez qalê wendegehan bikerî.Hewteyê verînan de ma qalê pergal û perwerde kerd û ma va ke eke pergal raşt nebo perwerde raşt nêbeno, eke perwerde raşt nêbo wendekar raşt nêbeno. Nika zî ma qalê wendegehan yan zî mekteban bikerî.
Mektebî hemdem gere çi hawa bo?
Mekteb cayo ke ma tede ders danî, ma tede ameyoxan xo kenî hedre, mekteb cayê mamosteyan û wendekaran o.
Zanyar Horace Mann vato ke; Mekteb gere sey yew ganî bo senî ganî tima tim bedelîno gere mekteb zî tima tim xo aver bero xo bibedelno.
* Mekteb, cayê zanayîş o, ay çîyî ke ma rê elzem o cuye ma de ma aver beno û heyatî ma keno rind.
* Mekteb, cayê viraştiş o, uca de ma her çî hem mûsenî hem zî virazenî ma komê xo rê benî feydeyîn.
*Mekteb, cayê îlim o, uca de heme kes vazeno ke xo aver bero û nezaney ra xo bifeletno.
*Mekteb, cayê fikro azadî yo, uca de heme kes fikrê xo serbest vano û xo o tewir îfade keno.
*Mekteb, cayê heskerdiş o, uca de bac çîn yo ayî ke yenî mekteb xo pank kenî perî xerazan ra.
*Mekteb, cayê mamosteyan o, ay mamosteyê ke yîn hesrete zanayîş ê û zanist ê.
Eke mektebê ma nê tewrî bê ma aver şinî û wendekarê ma zî benî rind. Ney eke wîna nebo ma zî tapa şinî çi ray ma resenî dewletanî averşîyayeyan. Çend hewte verî ma hedîseyî nêbaş dî hem meraş te hem sewreg de homa reyna nêmojno ma. La ma zî gere mektebanê xo deki rind û tedbîr bigeri. Verî gere wezîrê perwerde yê ma tedbîrê xo bigero bade zî perwerde ma deko raşt. Eke yew problemê ma esto ma gere verî qebul bikeri uca ra pey zî qam en gure de zaneye yo fikr yî bigerî.
Dewleta ma xetaya xo qebul nêkena ay semed ke beno Nê wezîre ma zi xeta xo qebul nekenî. Wextîk ti xetayê xo qebul nêkî ti negêrenî rayîr zî.
Dewleta ma de her wezîrê perwerdeyî bedelê nê pergalî û perwerde zî bedelneno ay semed ra mamoste û wendekar çik nêmusenî. Wextîk tima tim çîk bibedelno ayî çî xo nêgeno hîm yî nêbeno zexm. Yew dari fikr bikerî eke ti cay ya tima tim bibeldenî ya xo nêgena û nêbena pîl û bena wuşk.
Homa daron ma nêdeko wuşk.
Weşîye de bimanî.
