ZAZAKÎ NEWS — Qezaya Gimgimî, dewa Xwarikî de fîrmaya Amerîkaya wazena santralê jeotermalî (JES) awan bikero. Walîtîya Mûşî destûr da nê projeyî û raporê ÇEDî zî ame tesdîqkerdiş. Şîrkete seba sondajî dest pê kerd. Labelê no projeyê JESî tena dewa Xwarîkî nê, 16 dewanê binan zî gêno binê tesîrê xo.
Cinîyan bi govende vengê xo berz kerd
Vera nê projeyî, dewa Xwarikî de nobetê çadire dewam keno. Platformê ekolojîyî yê şaristanan û dewanê dormeyî paşt danê çalakîye. Her roje dewanê bînan ra grûbê 5-10 kesî yenê uca. Şewa bîne zafanê înan cinî bîyî; înan klamî vatî, govende girewte û va ke ê do her tim vera nê talanî xover bîdê.
