ZAZAKÎ NEWS - Wezîrê Karanê Teberî yê Fransa Noel Barrot ewro dest bi zîyaretanê xo yê Rojhelatê Mîyanênî keno. Ame zanayîş ke Barrot do Hewlêr zî tede, şêro Sûrîye, Iraq û Lubnan.
Varvatoxê Wezaretê Karanê Teberî yê Fransa Pascal Confavreauyî da zanayîş ke gêra Barrotî do verê cû Sûrîye de, dima Iraq û Lubnan de bêra viraştene.
Barrot do gêra xo Sûrîye ra dest pêbikero û Şam de Esed El Şîbanî reyde bêro têhet. Sûrîye ra do derbazê Bexdadî bibo û bi Serewezîrê Iraqî reyde pêvînayîş bikero.
Barrot do Nêçirvan Barzanî zîyaret bikero
Goreyê xebera Rûdawî, Wezîr Barrot do çarçeweyê zîyaretê xo yê Hewlêrî de bi Serekê Herêma Kurdîstanî Nêçîrvan Barzanî reyde bêro têhet.
Çimeyêkê Wezaretê Karanê Teberî yê Fransa va ke, Wezîrê Karanê Teberî Jean-Noel Barrot do zîyaretê Herêma Kurdîstanî bikero. Texmîn beno ke pêvînayîşanê Hewlêrî de babetê hemkarîya herêmîye û ewleyîye bêrê qiseykerdene.
