Zazakî News 3 serrî verî aşma Nîsane de dest bi weşanê xo kerdo û safî bi zazakî rojane xeberan dano. Tenya yew meqsetê Zazakî Newsî esto, o zî wazeno xizmetê ziwanê ma biko û bibo wesîle ke wa şarê ma bi ziwanê xo xeberan biwano, bîyayîşan ra hayîdar bibo. Yewna taybetîya Zazakî Newsî na ya ke xoser o, girêdayîyê cayêk nîyo û weşanê xo de ca dano her kesî.
Şima eşkenê xebere, vîdeo û nuşteyanê xo ma rê bierşawê û bi no qayde hetkarîye bidê ma. Maîlê ma eno yo, zazakinewe@gmail.com
Peyê Zazakî Newsî de heskerdoxê ziwanê ma, kedkarê ziwanê ma estê. Peyê Zazakî Newsî şîrketî, patronî, partîyê sîyasî çin yê. Zazakî News heme partî û dezgeyan ra teber,dezgeyêkê çapemenî yo. Bê Zazakî Newsî dezgeyêkê ma çino ke rojane nê karan biko. Zazakî News de bê Zazakî yewna ziwan û lehçe çin a. Safî Zazakî-Kirmanckî yo. Aye ra ma vanê tekane û xoser. Ma na vengîye temam kenê û karêko bimbarek kenê û bi no qayde Zazakî weşanan de êdî sey yew parçe yan sus nîya ziwano esasî û tekane ya.
Eke şima wayîrê ci vejîyê Zazakî News eşkeno weşanê xo bidomno. La eke şima pê wayîr nêvejyê ma cayê xo de vindenê û nêeşkenê aver şêrê. Ma şima ra tena yew çî wazenê; Bi nuşte û parekerdişanê xo hetkarî bidêne ma. Ma nê karî ra pere qezenc nêkenê. Ma qismêk fonê Ewropa girwt la pê ey encax mesrefê ma vejîyenê. Derdê ma pere zî nîyo. Derdê ma no yo ke wa ziwanê ma nêmiro, bibo wayîrê statûyêk, wayîrê îtîbarêk û neqlê qijanê ma yê ke ma dima ra yenê bibo.
Şima hetanî nika hetkarîye da ma û ma semedê na hetkarîye şima rê sipas kenê. Mîyanê aşmêk de ma ispat kerd ke bi ziwanê ma xeberî yenê viraştiş û no ziwan hema nêmerdo, xo payan ser o yo.
Bimanêne xeyr û weşîye mîyan de.
Zazakî News