Tirkîya de zî mabênê tarîxanê 12-18ê gulane sey Hewteyê Hemşîreyan yeno qebulkerdene û pê aktîvîteyanê cîya-cîyayan, bal yeno antene muhîmîya meslegê hemşîreyîye ser.
Na roja taybete; hemşîreyê ke xizmetanê weşîye danê seba yadkerdişê xebatanê înan yê fedakarane, sebirê înan û ercê ke ê danê weşîya merdiman, firsendêko muhîm o.
Tewr verê cû, selahîyetdara Wezaretê Weşîye û Perwerdeyî yê ABD (DYA) Dorothy Sutherland, serra 1953yîne de serekê ê demî Dwight D. Eisenhowerî ra pîya pêvînayîş kerd û teklîf kerd ke serra peyêne ra aşma teşrîna verêne wa sey “Roja Hemsîreyan” bêra îlankerdene. Labelê, o wext no teklîf nêame qebulkerdene.
Serra 1972yîne de zî seba naskerdişê na roja muhîme; tehşebusê amadekerdişê deklarasyonêka fermî ame kerdene û Meclîsê Temsîlkaranê Neteweyîyan rê ame pêşkêşkerdene. La reyna no teklîf nêame qebulkerdene.
Naye ra di serrî pey, Konseyê Hemsîreyanê Mîyanneteweyîyan (ICN), 12ê gulana ke roja bîyayîşê ronayoxa hemşîreyîya moderne Florence Nightingaleye ya, sey “Roja Hemsîreyan a Mîyanneteweyî” îlan kerd. Eynî serre, bi îmzaya Serekê ABD yê ê demî Nixonî qerar amê dayene. Yanî, 12ê gulana 1974î ra heta ewro, Roja Hemşîreyan resmî pîroz (bimbarek) bena.
