Enwer Yılmaz
Amedspor o ke Lîga 1. de lîder o, semedo ke wayîrê ziwanê Kurdkî vejîyeno eleqe anceno xo ser. La bajarê Zazayan Çolîg de Bingölspor ca nêdano Zazakî.
Amedspor o ke Lîga 1. ya TFFyî de mucadele keno û kursîyê lîderîye de ronişto. tena pê performansê xo yê mîyanê sehaya futbolî nê, pê wayîr vejîyayîşê ziwanê şarî û pê parekerdişanê xo yê bi Zazakî û Kurmancî hetê şarî ra yeno teqdîrkerdiş.
Ziwanê weşanî yê Kurdkî
Zanîyeno ke Amedspor serra peyêne de parekerdişanê xo yê Kurdkî zêde kerdê û wextê peyênî de parekerdişanê xo Zazakî (Kirmanckî) zî keno. Kulûb, medyayê sosyale de hem bi lehçeyanê Kurdkî (Kurmancî û Zazakî) hem zî bi Tirkî parekerdişan keno.,
Seke zanîyeno Zazakî ha vînî bena. Nê wayîrvejîyayîşê Amedsporî zaf muhîm o. Çimkî Zazakî çiqas medya de ca bigîro hendê asîyena û îtîbarê aye zêde beno.
Çolîgo ke bajaro ke en zaf Zazayî tede ciwîyenê de canêdayîşê Zazakî eyb o. Ma ewnêne ci Bingölspor parekerdişanê xo de qet ca nêdano Zazakî. Destpêkê sezonî de înan yew kilîbe zazakî antbî. Zaf kêfê milet pê amebi. La ê wextî ra nata Amedspor ne twitter de ne înstagram de ne zî Facebook de yew tek kelîmeya zazakî nêkerd. Wayîr, îdarekar pêro Zaza yê… Gere semedo ke Çolîg de Kurmancî zî estê parekerdişê dîjîtalî Zazakî, Kurmancî û Tirkî bê. Hetê qanunî ra problemêk çin yo. Ti vajî pêro vanê ma Zaza yê la eki ti ziwanê xo rê wayîr nêvejî, xebatanê xo de ca nêdî ci nêbeno.
Xora Zazakî ha mirena. Çew qisê nêkeno zaf. Tutî xora ziwanê xo dir eleqedar nêbenê. La qet nêbo ma medya dîjîtal de ca bide ci.
Xora eki ti hesabê terefdaran bikî gere ti ziwanê terefdaranê xo de zî xizmet bidî înan.
Zaf hevalê ma yê Çolîg ra reaksîyon nîşanê nê wazîyetî û çîn hesabnayîşê Zazakî danê.
Wazenê wa kulûb na babete de Amedsporî semedê xo sey nimûne bigîro.
Hewteyo veren maçê Erziromî estbî û qefîleya Amedsporî Çolîg ra vîyart. Ma dî şarê Çolîgî çendên Amedsporî ra hes keno.
Binê nê heskerdişî de karaktere Amedsporî yo Kurdewar esto.
