ZAZAKÎ NEWS - Goreyê beyanatê Amedsporî qelapêş Abdulsamed Damlu Wanspor ra transfer bîyo.
Beyanatê Amedsporî wîna yo:
Kulubê ma, qelepêş Abdulsamed Damlu yo ke tewr peynî formaya Kulubê Futbolî yê Vansporî dayêne xo ra, ey reyde pê kerd. Ma hêvî kenê ke no pêkerdiş; seba futbolbazê ma Abdulsamed Damlu, kulubê ma û camîaya ma xeyrîn bo; ma pê formaya kulubê ma, ci rê serkewtiş wazenê.
Veysel Sapan ameliyat bîyo
Amedsporî aşkere kerd ke qelapêşê înan o diyîn Veysel Sapan zî ameliyat bîyo:
Beyanatê Amedsporî wîna yo:
Qelapêşê ma Veysel Sapan, 21ê Çele de bi teşhîsê apandîsîtê akutî amelîyat bîyo. Amelîyatê ey bi serkewte vîyarto. Kaykerdoxê ma taburcî bîyo û nika keyeyê xo de îstîrahet keno, yeno dermankerdiş. Rewşa weşîye Veysel Sapanî baş a û pawîyêno ke bi qasê 1 aşmî sehayan ra dûrî bimano. Kefaret bo Veysel Sapan.
Xebere: Enwer Yılmaz
