ZAZAKÎ NEWS - Serdozgerîya Komare ya Îstanbulî, çarçewaya tehqîqatê sextekarîye de, seba 18 kesan bira destbendkerdişî da. Polîsan hetanî nika 14 kesî destbend kerdî.
Tehqîqatê vera Beledîyaya Bajarê Pîlî ya Îstanbulî de dewam keno. No tehqîqat hetê Serdozgerîya Komare ya Stenbolî ra bi serkêşîya Akin Gurlekî yeno rayraberdene.
Dozgerîye seba 18 kesan, bi îdîayanê 'dayîşê ruşwetî', 'girewtişê ruşwetî' û 'îhaleyan de kerdişê fesadîye ', bira destbendkerdişî da.
Mudîrîya Şubeyê Tekoşînê Vera Sucanê Malî yê Emnîyetê Stenbolî, seba tepiştişê kesê ke derheqê înan de bire esta, operasyon da destpêkerdiş. Hetanî nika 14 kesî ameyî destbendkerdiş.
Nasnameyê kesê ke ameyî destbendkerdiş, nêame eşkerakerdiş.
