Mabênê rayîrê Darahênî-Dîyarbekirî, mintiqaya Meqbere de kamyonet û kamyone ginayê pêro. Qeza de şofêrê komyonete Ahmet Kaan merd. Şofêrê kamyone zî birînda o .
Goreyo ke ame musayîş, ewro serê sibayî saete 09:00 de mabênê rayîrê Darahînî-Dîyarbekirî de qeza bîya. Kamyoneta ke şofêrê aye Ahmet Kaan bi wexto ke barê sewzeyan Dîyarbekir ra berdêne Çewlîg dewkewtişê Darahênî, mintiqaya Meqbere de da kamyonêk ro. Qeza de şofêrê komyonete Ahmet Kaanî dinyaya xo bedilna. Şofêrê kamyone zî birînda o .
Zaf ekîbê weşîye û îtfaîyeyî amey cayê qeza. Sewzeyê ke kmyonete de barkerdebî zî pêro rişyayê. Semedê qewimyayîşê qeza, demêk rayîr qefilnaye mend. (Çime: Gencin Sesi)
