Keyeyê Deba Hekmatî, serranê verênan de rîyê zordarîya rejîmê Îranî ra remayo û şîyo Îngilîstan. Deba Hekmate ya ke Îngilîstan de perwerdeyêko weş dî, îmza eşte binê hîkayeyêka serkewtişî. Deba Hekmata ke Îngilîstan de bîya yew model û kaykerêka namdare, bîye rîyê reklamî yê markaya Gucci. Hekmat, nê ra teber, bîye rîyê qapaxê kovara moda ya Fransize ya namdare ELLE Arabia zî.
Her di markayan rê zî sipas kerd
Model Deba Hekmata Kurde, vîdeoyo ke medyaya sosyale ser o pare kerd de wina va: “No seba mi muhîm bi, çimkî zaf rey hetê Ereban û Tirkan ra nasnameya mi ya Kurde ser o persî mi ra ameyî kerdene. Ez Gucci û kovara ELLE rê sipas kena ke înan ca dayo qabîlîyetanê Kurdistanî.”
