ZAZAKÎ NEWS – Çemê Pîranî o ke çimeyê cuyayîşî yê tewr muhîm ê Dîyarbekirî ra yo, aşmanê hamnanî de zaf ziyaret beno. Dîyarbekir de qezayê sey Çêrmûge, Pîran û Gêl, bi rindekîyanê xo yê tebîîyan û hewayê xo yê honikî ra eleqeyêko gird vînenê. Bi tetîlbîyayîşê mekteban û germo zêde, hûmara zîyaretkeran hîna zaf bîye.
Çopî tebîet gemar kenê
La no eleqe, xo reyde gemarîya dormeyî zî ano. Qeraxanê Çemê Selmanî de eşteyê sey werd, plastîkî û şûşeyê camî ameyî veradayîş. Konteynerê çopî yê ke hetê beledîye ra ameybî ronayîş zî nênê şuxulnayîş û nê çopî, zerarêko gird da tebîetî.
Dewijî û tebîetheskerê ke na manzara ra aciz bîyî, bal ant ser o ke tena warê cuye yê însanan nê, warê cuye yê heywananê ke herême de cuyenê zî binê tehdîtî de yê.
‘Nê însanî îslah nêbenê’
Dewijan ra yew vano, “Înan dorme kerdo berbad. Sindoqê çopî estê la çopanê xo erzenê erd. Nê însanî îslah nêbenê.”