Rojnameger, belgeselker û çalakwan Hakan Tosun, o ke 10ê Teşrîna Verêne roja Îne qezaya Esenyurtî ya Stenbolî de raştê hêrişî amebi, Nêweşxaneyê Bajarî yê Başakşehirî de amêne ameyêne tedawîkerdene, wefat kerd.
Tosun o ke netîceyê hêrişî de sereyê xo ra derbe girewtbi, kinarê rayîrî de bi hawayêko bêhiş amebi dîyene.
Keyeyê Hakan Tosunî, eşkerayîya ke ewro verê nêweşxaneyî de da de, waşt ke hedîse rew û bi hawayêko zelal bêro roşnkerdene û faîlî bêrê eşkerakerdiş.
Avûkatê Tosunî Hakan Bozyurtî zî wextê şanî de eşkerayîyêk da û vat, "Ma pêhesyayê ke di kesî ameyê tepiştene û ameyê hepiskerdene". Derheqê hedîseyî de cipersayîş dewam keno.
