Goreyê malumatan, demêk o mabênê Mehmet Odemîşî û cinîya ey J.M.B.B. ya ke vajîyeno Başûrê Kurdîstanî ra ya, problemî estbîyî.
Cinî, munaqeşe û probleman ra dima keyeyê xo ra şîbî.
La her di zewjîyayeyî ewro taxa Dîcle ya qezaya Silopî de dikanêk de rastê yewbînan yenê û mabênê înan de newe ra munaqeşe dest pêkeno.
Munaqeşeyî ra demêk dima, Mehmet Odemîş bi kardî hêrişê cinîya xo ya ke 6 aşmî digane bîye, kerd.
J.M.B.B. bi giran birîndar bîye û hetê tîmanê weşîye ra neqlê Nêweşxaneyê Dewlete yê Silopî bî.
Kontrolanê nêweşxaneyî de vejîya orte ke gedeyê cinîya digane, derbanê kardî ra merd.
Ame eşkerakerdene ke J.M.B.B. nêweşxane de binê tedawî de ya û hêzanê asayîşî seba tepiştişê mêrdeyê aye yo ke remayo, dest bi xebate kerda.
