Şahîdê Terteleyê Dêrsimî Eşlîye Çîçe û Necefe Duman dinyaya xo bedilnay.
Eşlîye Çîçe û Necefe Duman dewa Zîmekî de ameyî definkerdene.
Şahîdê Terteleyê Dêrsimî Eşlîye Çîçe (Fecire Erol) a ke dewa Zîmekî ya Xozatî ra ya û Necefe Duman a ke mezraya Hopîkî ya dewa Zîmekî ra ya dinyaya xo bedilnay.
Duman û Çîçe vizêr dewa Zîmekî de ameyê heqkerdiş. Necef Duman wexto ke şarê Dêrsimî dîya guleyan ver binê meyîtê dayîka xo de weş mendbî.
Çîçeya ke Ajansê Xeberan ê Pîrha rê verê cû qisey kerdbi, derheqê terteleyî de wîna vatbî. “ Her kes arê day berdê cayê harmanî. Ûca de tifinkê makîneyin estbî. Her kes qîra, tay kesî remayî. Cinî û camêrdî kerdî cîya, bêrdê koyan, vatê ‘ma fotrafanê şima vejenê.’ Ma domanî bermayêne, ma vêşan bî. Ma nan waştêne. Dayîka mi ez û waya mi kerdî binê bedenê xo nimitî. Sunguyêk cîya mîyaneyê mi ro. Mi o pê destê xo vet. Mi kerd ke ez yewnayî pê destê xo vejî la destê mi bêhereket mend. Înan zî vat qey ez merda, mi caverda şîyî. Gama ke bi şan yew cinîya ciwane amey vat ‘leşkerî şîyî, kam ke weşo wa wirzo we.’ Ma Hopîk de (Koyê Sipî) de qetil kerdî. Ma merdeyê xo kincanê înan ra şinasnêne.”
