DÎYARBEKIR – Goreyê malumatan, mînîbusa ke M.G. ramitêne, Semsûr ra gêrayoxê cinîyî ardêne qezaya Gêlî ya Dîyarbekirî. Mînîbuse, nêzdîyê dewa Şelbetînî de rayîr ra vejîya û qeldîya.
Netîceyê qeza de cinîyêke wefat kerd û pa şofêrî 14 cinîyê bînî zî birîndar bîyî.
Xeberdayîş ser o cendirme, ekîbê weşîye û ekîbê pawitişê sîvîlan şîyî cayê hadîseyî.
Ekîbanê weşîye 15 birîndarî berdî nêweşxaneyanê cîyayan ê Dîyarbekirî.
Ame zanayene ke rewşa 2 birîndaran giran a û telûkeyê mergî est o.