Festîvale bi fîlmê bi namê “Zimanê Dayikê” yê Sarkew Mesgariyî dest pêkerd. Festîvala heştine ya Belgefîlman a Fîlmamedî dest pêkerd.
Semedê festîvale Amed de Tîyatroya Bajarî ya Amedî de merasîmêk virazîya. Heskerdoxê sînema, derhênerî û xeylê mêmanî ameyî merasîm.
Festîvale do hetanî 1ê Teşrîna Peyêne roja Yewşemeyî dewam bika. Festîvale de do 31 belgefîlmî bêrê ramojnayîş.
Qiseykerdişan ra dima fîlmê bi namê “Zimanê Dayikê” yê derhêner Sarkew Mesgariyî ame nîşandayîş.
Fîlm behsê mucadeleyê mamostayanê dersa kurdî keno û Rojhilatê Kurdistanî de vîyareno.
Badê programê roja ewilî Hemsereka Pêroyî ya DBPyî Salîha Aydenize plaketêk da derhêner Mesagiriyî.
