21ê Adara 2024î de Dîyarbekir de yewna Newroze, yewna Roşanê Netewî yê Kurdan bi coşêko pîl ame pîrozkerdiş.
Her çiqas vajîyabi, do ewro Dîyarbekir de varanêko zêde bêro varayîş zî, serê sibayî ra hezaran kesî qij ra pîl verê xo da cayê pîrozkerdişê Newroze.
Eke goreyê par ra bêro muqayesekerdiş, emser hetê asayîşî ra şarî astengî nêamey vetiş, şar bi şal û şalwaranê xo, bi alaya newtewî cayê kontrolê polîsan ra bi rehetî şi meydanê Newroze.
Emser suprîzêk zî estbi. Sîyasetmedara Kurd Leyla Zana na Newroze de fitanê xo yê herêmî da xora û amey Newroze. Zana yew zî qiseykerdiş kerd.
Heto bînra Hemnamzedê Şaredarîya Bajarê Girdî yê Dîyarbekirî, Doğan Hatun û serra Bucak, Parlamenterê CHP yê Dîyarbekirî Sezgin Tanrıkulu, birayê Abdullah Ocalanî Mehmet Ocalan, Hemserekê DEM Partî Tuncer Bakırhan, Hemsereka DBP Çiğdem Kılıçgün Uçar zî Newroze de cayê xo girewtî.
Qiseykerdişê ke ameyê kerdiş zafê xo Kurdkî bî û Çiğdem Kılıçgün Uçar qiseykerdişê xo bi Zazakî kerd.
Hunermendan ra zî Emel Matlouthi, Mikail Aslan, Arhat, Faraj Ali Pour, Xezel Mistefa programê Newroze de ca girewtî û deyîrî vatî.
Heto bîn ra Kemal Korkut o ke Newroza 2017î de hetê polîsan ra amebi kiştiş zî nêame vîrkerdiş. Cayo ke ame kiştiş de semedê ey yadkerdiş virazîya û qerefîlî ameyî ronayîş.
Heto bîn ra Leyla Zana qseykerdişê xo de behsê peosesê aşitîye kerd û va; "Ma semedê aşitî hadre yê gelo şima zî hadreyê. Bêne ma pîya vernîya ştîye akere. Nê welatî ra aşitî lazim a. Bênê ma weçînayîşî ra pey pîya vernîya rayîrê aşitîye akere.
Enwer Yılmaz / Zazakî News
