Hepsîyo sîyasî Havil Acar ke 31 serrî ra dima Hepisxaneyê Tîpê T’yî yê Bolvadînî ra ame veradayene, şi şaristanê xo Batman .
Havil Acaro ke Hepisxaneyê Tîpê T’yî yê Bolvadînî yê Afyonî de mendêne, 31 serrî ra dima ame veradayene. Acar, dewa xo Xincika ya girêdayeyê Batmanî de bi govend û şayîye ame pêşwazîkerdene. Keyeyê Acarî, îdarekarê Komela Pawitiş û Paştîdayîşê Keyeyanê Hepsî û Hukimweran (TUAY-DER), temsîlkarê partîyanê sîyasîyan û sazîyanê komelkîyan zî tewrê pêşwazîkerdişî bîyî. Acarî da zanayene ke keyfweşîya ey nêmcet a û veradayîşê hepsîyanê sîyasîyanê nêweşan waşt.
Acar, serra 1994î de Êlih de amebi tepiştene. Acar, zîndananê Êlih, Yozgat, Dîlok, Mêrdîn, Tokat û peynî de zî Zîndanê Tîpê T yê Bolvadînî yê Afyonî de mend.
