ZAZAKÎ NEWS - Yew heyeta Ewropa ya ke 39 kesan ra yena pê, semedo ke Abdullah Ocalanî dir pêvînayîş bikera, amey Îstanbul û Hemserekê DEM Partî Tuncer Bakirhanî dir km bîy.
Goreyê eşkerayîya DEM Partî, heyeta ke mîyan de akademîsyen, parlamenter, huqûqnas û rojnamegerê Ewropayijî estê, wazena Abdullah Ocalanî reyde pêvînayîşêko ri bi ri bikera.
DEM Partî eşkera kerd ke ewro mîyanê înan de kombîyayîşêko muhîm virazîyayo û kombîyayîş de peyamê Rayberê PKKyî Abdullah Ocalanî ya ke seba heyete şirawita, ameya wendiş. Eşkerayîye de ame vatiş ke DEM Partî û heyete, prosesê Aştîye û Cimatê Demokratîkî ser o munaqeşe kerdê.
Peyama Ocalanî:
Goreyê agahîyan, Abdullah Ocalanî peygama xo de vato ke o waştişê înan ê pêvînayîşî ra hayîdar o û hêvî keno ke demê peyerojî de şertê pêvînayîşî virazîyê.
DEM Partî ragihand ke dima ke kombîyayîş qedîya, saete 12:00 de eşkerayîyêka çapemenîye do bêro dayene.
