ZAZAKÎ NEWS - Heyetê Îmraliyî yê Partîya Seypeyî û Demokrasî ya Şaran (Partîya DEM), Serekê Pêroyî yê MHPyî Dewlet Bahçelî reyde ame têhet. Heyeto ke Pervîn Buldan, Mîthat Sancar û Ozgur Erolî ra yeno pê, Merkezê Pêroyî yê MHPyî de bi Bahçelî reyde pêvînayîşêk kerd.
Ame zanayîş ke, Bahçelî, heyet verê berî de pêşwazî kerdo. Dima ke fotograf û vîdeo ameyî antiş, heyet û Bahçelî vîyaretê salonê pêvînayîşî.
Yeno pawitiş ke bado ke pêvînayîş qedîya, eşkerayîyêk bêro dayîş.
Temasê bînî yê heyetî
Heyetê Îmraliyî yê DEM Partî, eynî roje bi Serekê Pêroyî yê Partîya Ameyoxî (Gelecek Partisi) Ahmet Davutoglu û Wezîrê Edaletî Yilmaz Tunçî reyde zî pêvînayîşî viraştbî.
