ZAZAKÎ NEWS - Komîsyonê prosesê çareserîye yê Parlamentoyê Tirkiya, ewro kombîyayîşê xo yo yewin virazeno. Yeno pawitiş ke kombîyayîşê yewinî de nameyê komîsyonî, usul û esasê xebate û prensîbê ey bêrê bewlîkerdiş.
Serekê Parlamentoyê Tirkiya Numan Kurtulmuşî, parlamenterê endamî seba kombîyayîşê yewinî yê komîsyonî ewro saete 11:00 de dawetê kombîyayîşî kerdbî.
Dima ke Numan Kurtulmuşî qiseykerdişê akerdişî kerd, do endamê temsîlkaranê partîyanê sîyasîyan bêrê goştarîkerdiş û kombîyayîş de do usul û esasê xebate û prensîbê komîsyonî bêrê bewlîkerdiş.
Ame parekerdiş ke komîsyon do derheqê hewcedarîyanê ke bi prosesê çekveradayîşê rêxistine vejîyayê werte de tayê sererastkerdişê qanûnîyan amade bikero û xebatan virazo.
Nameyê komîsyonî do kombîyayîşê ewroyî de bêro ronayîş. Name do mîyanê teklîfanê endamanê komîsyonî ra bêro weçînitiş. Yeno pawitiş ke partîyê sîyasîyê ke tewrê kombîyayîşî benê, teklîfanê xo yê nameyan pêşkêş bikerê.
Endamê komîsyonî ameyî dawetkerdiş
Amebi plankerdiş ke komîsyon qonaxa yewine de 51 endaman ra bêro pê û partîyanê sîyasîyan ra amebi waştiş ke nameyanê endamanê xo bewlî bikerê.
Barekerdişê kursîyanê partîyan komîsyonî de wina yo:
AK Partî: 21
CHP: 10
DEM Partî: 4
MHP: 4
Partîya ÎYÎ: 3
Partîya Refahî ya Newe: 3
HUDA PAR: 1
Yeniden Refah: 1
TÎP: 1
EMEP: 1
DSP: 1
DP: 1
Partîya ÎYÎ seba 3 kursîyanê xo nameyî bewlî nêkerdî û eşkera kerd ke a do tewrê komîsyonî nêbo.
Nameyê ke Kurtulmuşî sey endamê komîsyonî dawetê kombîyayîşî kerdî, nê yê:
AK Partî: Hekarê Serekê Pêroyî û Parlamenterê Trabzonî Mustafa Şen, Parlamenterê Anqara Kurşad Zorlu, Parlamenterê Hatayî Huseyîn Yayman, Wekîlê Serekê Koma AK Partî û Parlamenterê Dîlokî Abdulhamît Gul, Serekê Komîsyonê Edaletî û Parlamenterê Stenbolî Cuneyt Yuksel, Sereka Komîsyonê Daxwaznameyan û Parlamentera Edeneyî Sunay Karamîk, Parlamenterê Erziromî Selamî Altinok, Parlamenterê Antalyayî Kemal Çelîk, Parlamenterê Amedî Mehmet Saît Yaz, Parlamenterê Îzmîrî Mahmut Atîlla Kaya, Parlamentera Stenbolî Şengul Karsli, Parlamenterê Mereşî Mehmet Şahîn, Parlamentera Qeyserîye Ayşe Bohurler, Parlamentera Kocaelîye Radiye Sezer Katircioglu, Parlamenterê Konyayî Tahîr Akyurek, Parlamenterê Mêrsînî Alî Kiratli, Parlamentera Rihayî Cevahîr Asuman Yazmaci, Parlamenterê Tekîrdagî Gokhan Dîktaş, Parlamenterê Wanê Burhan Kayaturk, Parlamenterê Meletîye Abdurrahman Babacan, Parlamenterê Samsûnî Ersan Aksu.
CHP: Wekîlê Serekê Koma CHPyî û Parlamenterê Anqara Murat Emîr, Parlamenterê Anqara Okan Konuralp, Parlamentera Bûrsayî Nurhayat Altaca Kayişoglu, Parlamenterê Amedî Mustafa Sezgîn Tanrikulu, Parlamenterê Stenbolî Turkan Elçî, Turan Taşkin Ozer û Oguz Kaan Salici, Parlamenterê Îzmîrî Murat Bakan, Gokçe Gokçen û Mehmet Salîh Uzun.
MHP: Hetkarê Serekê Pêroyî û Parlamenterê Stenbolî Fetî Yildiz, Parlamenterê Sakaryayî Muhammed Levent Bulbul, Parlamenterê Kirikkaleyî Halîl Ozturk û Parlamenterê Tokatî Yucel Bulut.
DEM Partî: Wekîla Serekê Koma DEM Partî û Parlamentera Qersî Gulîstan Kiliç Koçyîgît, Parlamentera Erziromî Meral Daniş Beştaş, Parlamenterê Antalyayî Hakki Saruhan Oluç û Parlamenterê Stenbolî Cengîz Çîçek.
Partîya Refahî ya Newe (YRP): Wekîlê Serekê Koma Partîye û Parlamenterê Stenbolî Bulent Kaya, Parlamenterê Mêrsînî Mehmet Emîn Ekmen û Parlamenterê Îzmîrî Mustafa Bîlîcî.
Partîya Karkeran a Tirkiya (TÎP): Parlamenterê Stenbolî Ahmet Şik.
Partîya Kede (EMEP): Parlamenterê Stenbolî Îskender Bayhan.
Partîya Çep a Demokratîke (DSP): Serekê Pêroyî Onder Aksakal.
Partîya Dewayê Azadî (HUDA PAR): Serekê Pêroyî Zekerîya Yapicioglu.
Partîya Demokrate (DP): Parlamenterê Îzmîrî Haydar Altintaş.
