ZAZAKÎ NEWS - Goreyê xeberanê ke medyaya Îsraîlî serê sibayê ewroyî (Sêşeme, 24.06.2025) de vila kerdê, bade ke 12 rojî cengêko giran dewam kerd, mabênê Îsraîl û Îranî de adirbest dest pêkerd.
Desteya Weşanî ya Îsraîlî û Kanal 13ê Îsraîlî tesdîq kerd ke "Peymana adirbestî ya Tehranî nika yena caardiş." Ame vatene ke Serewezîr Netanyahu wezîrê xo derheqê adirbestî de hayîdar kerdê.
La, hema ke adirbest nêkewtbi dewre, pêrodayîş heta deqîqeya peyêne dewam kerde. Ordîyê Îsraîlî va ke "Îranî serê sibayê ewroyî panc moşekê bînî eştî Îsraîlî." Eşkerayîya ordî de ame vatene, "Verê demêko kilmî, çend nuqteyanê Îsraîlî de vengê zingilê hişyarîye berz bi" û îfade bi ke sîstemê pawitişê hewayî yê Îsraîlî aktîf bîyo.
Trump: "Nika wextê aştîye yo"
Serekê Amerîka Donald Trumpî, şewa vîyarte hesabê xo yê medya komelkî Truth Socialî ser o yew mesaje weşana û va: "Îsraîl û Îranî waştişê aştîye kerdo. Nika wextê aştîye yo."
Trumpî ewro zî bi yew posta newî adirbest tesdîq kerd û veng da her di hetan: "Adirbest nika dest pêkerdo, rica kena, îxlal mekerê
