ZAZAKÎ NEWS — Mayê Aşitî, çarçiwaya zîyaretanê partîyanê sîyasîyan de ameyî Merkeze Pêroyî yê CHPî. Zîyaretê heyetî vîzêr (7ê Gûlane) dest pêkerdbî. Mayê Aşitî roja verêne de Partîya DEVA, Partîya Saadetî û MHPî reyde pêvînayîş kerd. Pêvînayîşê MHPyî Meclîs de virazîya.
Vekîlê DEM Partî zî heyet de bî
Heyetê Mayê Aşitîye de vervatoxa DEM Partî Ayşegûl Doğan, Parlamentera Amedî Adalet Kaya û endamê meclîsê Mayê Aşitî Behîye Yalçin, Afîfe Kartal û Mûzeyyen Bûtûn ca girewt. Sereke Pêroyî yê CHPyî Özgür Özel, Hetkara Sereke Pêroyî Gökçe Gökçen û Emîne Ûçak heyetê mayan qebûl kerd.
Mayê Aşitîye dima zîyaretê CHPyî, saete 14.00 de do Partîya Gelecekî reyde, saete 15.30 de zî Meclîs de grûba AK Partî reyde bêrê têhet.
Dîyarîya çîta sipî
Mayê Aşitîye zîyaretanê xo de sey sembolê aşitîye çîta sipî dîyarî kenê. Mayan Özgür Özelî rê zî çîta sipî dîyarî kerd.
