Heyetêkê Meclîsê Mayanê Aştîye, çarçeweya prosesê aştîye û Komelê Demokratîkî de bi wesîleya Roja Mayan, zîyaretê partîyanê sîyasîyan keno.
Çarçeweya zîyaretan de yew heyeto ke Mayanê Aştîye ra Behîye Yalçın, Afîfe Kartal û Muzeyyen Butune ra virazîyayo, û mîyan de vervatoxa DEM Partî Ayşegule Dogan û Parlamentera DEM Partî Adalet Kaya estbî Meclîs de zîyaretê Koma MHP kerd.
Çapemenîye zî eleqeyêko gird nîşanê nê pêvînayîşî da. Mayanê Haştîye koma MHP de bi Serekwekîlanê MHP Fîlîz Kiliçe û Erkan Akçayî reyde pêvînayîş kerd.
Badê pêvînayîşî Mayanê Haştîye laçika sipîye dîyarîya temsîlkaranê partîyanê sîyasîyan kerd.
Heyetê Mayanê Haştîye do saete 16:00 de Partîya DEVA ziyaret biko û saete 17:00 de zî do Partîya Saadetî ziyaret biko. Zîyaretê ke Mayê Haştîye partîyanê sîyasîyan kenê do meşte zî dewam bikê.
Mayê Haştîye do meşte saete 12:00 de CHP ziyaret bikê û saete 14:00 de zî do Partîya Gelecekî ziyaret bikê.
