Amed de, otobusanê şarî yê xusûsîyan û bi taybetî minîbusanê zereyê bajarî de gemarîya ke roj bi roje zêde bena, resaya sewîyeya ke weşîya şarî tehdît kena. Bajaro ke nufusê ey nezdîyê 2 mîlyonî yo, de şar rojane nişeno nê wesayîtan. Labelê kêmasîya hîjyenî ya nê wesayîtanê ke her roje bi hezaran kesî xebitnenê, resaya sewîyeyêka tehluke.
Roniştegê gemarî û dirîyayeyî yê!
Bi taybetî halê zereyê dolmîşan zerrîya merdimî veşneno. Roniştegê ke kehen bîyê, tayê înan hende dirîyayê ke merdim nêeşkeno ser o ronişo, û rengê înan semedê gemarî ra sîya bîyo.
Nê wesayîtê ke bewlî yo demêko derg o ke pak nêbîyê, weşîya welatîyan erzenê binê rîskî.
Welatîyî veng danê rayedaran!
Welatîyî anê vîr ke wesayîtê pêroyî seba cuyayîşê rojaneyî hewcedarîyêko mecbûrî yê û vanê ke no halê bêweşîye qebul nêbeno. Welatîyî veng danê sazîyanê eleqedaran ke wa kontrolan bikerê û wazenê ke wesayîtê pêroyî bi awayêko perîyodîk bêrê pakkerdiş û yew sererastkerdişo ke weşîya şarî esas gêno, bêro caardiş.
