ZAZAKÎ NEWS - Qezaya Dêrsimî Çemişgezeg de, zebeşê organîkî ê ke bêawe yene resnayîş û bi nameyê ‘Hıdıroz’î şinasîyene, dezgeyan de cayê xo girewt. Nê zebeşî, seba ekonomîya keyeyanê şarê Dêrsimî yew çimeyo muhîm o.
Verê cû dewanê sey Kiraçlar û Sakyolî, dewanê derûdorî yê Çemişgezegî de hesadê zebeşê organîkî dest pêkerd. Zebeşê ke herême de sey 'zebeşê Hıdırozî' şinasîyenê, dima ke hesadê înan bi, manavanê qeza û bazaran de cayê xo girewt.
Citkar Yilmaz Ekîcî va ke, seba ke ê dermanê kîmyewî nêşuxulnenê, zebeşî hîna bitehm benê û wina va: "Nameyê zebeşa ma Zebeşa Hıdırozî yo. Ma bê ke dermanê kîmyewî bişuxulne, bi hawayêko organîk pêşkêşê sifrayan kenê. Seba ke bêawe yeno ramitene, goreyê zaf tewiranê zebeşan ra hîna zaf şêrîn ê."
Çime: İHA
