ZAZAKÎ NEWS - Serekê Amerîka Donald Trumpî eşkera kerd ke ey 10 rojî muhlet dayo Rusya ke bi Ukrayna reyde peymanêka aştîye îmza bikero. Trumpî her da zanayîş ke eke peymane nêvirazîyo, o do Rusya rê ceza bibirno.
Serekê Amerîka Trumpî, wexto ke Skotlandî ra agêrayêne Amerîka, teyare de cewab da persanê rojnamegeran.
Trumpî va:
“Ez ewro ra tepîya 10 rojî dem dana. Dima ra, ma do vergîyanê gumrukî û çîyanê winasîyan ser o vinde. Ez nêzana gelo no do tesîrê Rusya bikero ya ney. Aşkera yo ke (Vladimir Putin) wazeno şer bidomno, la ma do ey rê ceza bibirne.”
Trumpî îzah kerd ke o wazeno wextêko kilm de mabênê her di welatan de peymanêka aştîye virazîyo û ard ziwan ke o bawer keno ke Rusya seba naye hewl nêdana.
Trumpî da zanayîş ke ey hema qet yew cewab Putînî ra nêgirewto û va, "Çi heyf ke."
