Qezaya Dîyarbekirî Peyas de yew Ocaxa Weşîye tabela aliqnaya tabela de kişta Tirkî de ca daya Erebkî la ca nêdaya Kurdkî.
Ewro Odaya Tabîban a Dîyarbekirî hesabê xo yê X'î ser ra aşkere kerd ke Dîyarbekir de Ocaxêka Weşîye tabelaya xo de ca daya Erebkî la ca nêdaya Kurdkî.
Naye ser o, na kerdêna Ocaxa Weşîye medyaya dîjîtale ser de rastê razînêbîyayîşan amey.
Odaya Tabîban a Dîyarbekirî derheqê ney de beyanatêk da û va ke; “ Wezaretîya Weşîye ya Tirkîya mecbura ke bi ziwanê dayîke xizmetê weşîye dibo. La asîyeno ke Wezaretî ca dana ziwananê bînan, ca nêdana ziwanê Kurdkî. Ma venga Wezaretîya Weşîye ya Tirkîya danê ke, wa fek na kerdêna xo ya înkarkerdişê Kurdkî ra verado”
