Pêhesîya ke hetêk ra mabênê Baxçeyanê Hewselî û Unîversîteya Dîcle de darê verênî yê çaminî yenê birnayîş hetêk ra zî bejrayîrê E- 99 ser o peyê bînaya Yeşilayî de desan darê çamî yenê birnayîş.
Oksîjenê Amedî, darê ke derûdorê Baxçeyanê Hewselî de yê roj bi roj yenê birnayîş û bi no qayde nefesê Amedî zî yeno pêsayîş. Birnayîşê daran hetê Mudirîya Daristanan beno û aktîvîstî vera ney reaksîyon mojnenê.
Serra 2014î de mabênê Baxçeyanê Hewselî û Unîversîteya Dîcle de qerarê birnayîşê 10 hezar daran dîyabi. Seba ke aktîvîstan vera ney reaksîyon mojna birnayîşê 700 daran ra dima karê birnayîşê daran vinderbi.
Labelê nê rojan a mintiqa de roje bi roje darê çamî yenê birnayîş.
Goreyo ke yeno vatiş, herinda ê daran de do banî bêrê viraştiş û bînayî bêrê berzkerdiş.
