ZAZAKÎ NEWS - Kavala, 1ê Teşrîna Peyêne ya 2017î ra nata Hepisxaneyê Sîlîvrî de tepişte yo. Seba tepişîyayîşî di bahaneyi ameybî mojnayîş: Çarçeweya çalakîyanê Gezî de ‘teşebusê werte ra wedartişê hukmatî’ û çarçeweya teşebusê derbeyî yê 15ê Temmuze de ‘teşebusê werte ra wedartişê nîzamê qanûnê bingeyênî’.
Kavala 2893 rojî yo ke hepisxane de yo
Mesacê ke Rêxistina Efûyî seba roja bîyayîşî ya Kavala weşanayo, wina yo:
“Ewro, roja bîyayîşî ya pawitoxê heqan Osman Kavala yo ke hepisxane de yo û cuyê xo dayo huner, kultur û xebatanê bînan ê komela sîvîle.
Her çiqas Mehkemeya Heqanê Merdiman a Ewropa ya ke hukmê veradayîşê ey yê lezgînî daybî, Osman Kavala nêzdîyê heşt serrî yo ke hepisxane de yeno tepiştiş. Seba ke na neheqîye bêro qedînayîş, ma reyna seba mehkûmanê fîkrî vanê ‘Osman Kavalayî rê Azadî’. Roja to ya bîyayîşî bimbarek bo, Osman Kavala!”