ZAZAKÎ NEWS — Dawayê ke seba Kurultayê 38inî yê CHPyî ameybî akerdiş de, vizêr Daireya Huquqî ya 36ine ya Mehkemeyê Edliyeyê Herêmî yê Anqara qerarê xo aşkere kerdbi. Mehkeme kongreya ke tede Özgür Özelî serkewtbî betal kerdbi.
Bi nê qerarî ra dima, Kemal Kılıçdaroğlu ewro avukatê CHPyî Çağlar Çağlayan, Mehmetcan Keysan û Hazar Kardaş wezîfe ra girewtî.
Se bibi?
Dawayê ke seba betalkerdişê Kurultayê 38inî û Kurultayê 21inî ê CHPyî ameybî akerdiş de, Daireya Huquqî ya 36ine ya Mehkemeyê Edliyeyê Herêmî yê Anqara seba her di kurultayan zî qerarê "mutlak butlanê tedbîrî" da.
Goreyê qerarî, Serekê Pêroyî yê CHPyî Özgür Özel û îdareyê ey wezîfe ra ameyî dûrîvistiş. Serekê Pêroyî o verên Kemal Kılıçdaroğlu û endamê Meclîsê Partî (PM) ê ke verê kurultayî wezîfe de bîyî, semedê tedbîrî ageyray wezîfeyê xo.
