ZAZAKÎ NEWS- Qezaya Agirî Dîyadînî de muftîtîye semedo ke wa xutbe û waezî bi tirkî bêrê dayîş talîmat da. Parlamenterê DEM Partî yê Dîyarbekirî Mehmet Kamaçî, qiseykerdişê xo yê Meclîsî de no muamele rexne kerd.
Kamaçî qiseykerdişê xo de va: “Ez tîya de wazena vajî. Muftîtîya Dîyadînî, grûba WhatsAppî de hemê îmaman rê yew mesaj eşto. Uca de vano ke; hîrê madeyî est ê. Xutbeyî do bi tirkî bêrê wendiş. Merkezê qezaye de waezî do bi tirkî bêrê dayîş. Dewan de eke yew kes tena zî tirkî bizano, uca de zî waezî do bi tirkî bêrê wendiş. Keso ke no mesaj eşto Muftîyê Dîyadînî yo. Goreyê huqûqê şerîyî muftîtîya ey kewta. Ez tîya ra na înkarkerdişîye, na yewperesîye, no çîn hesibnayîşî şermezar kena, lanet kena. Pê ziwanê kurdan kurdan rê dayîşê waezî, heqo tewr bingeyîn yê kurdan o.”
