ZAZAKÎ NEWS - Înstîtutê Ziwan û Kulturê Kirmancî (Zaza) – IKK, seba 21ê Sibate (Gucige) Roja Ziwanê Dayîke ya Mîyanneteweyî, paytextê Almanya Berlin de panelêko hîra organîze keno. Panelo ke do bi paştîdayîşê Cemxaneyê Berlinî û Cematê Dêrsimî bêro viraştene, wazeno ke veng û rengê Kirmanckî (Zazakî) bido eşnawitene.
Panel de akademîsyen, ziwanşinas û nuştoxî do tewir bi tewir babetanê Kirmanckî ser o qisey bikerê.
Beşdarî û babetê panelî:
Dr. Îbrahîm Bîngol (Zanîngeha Artuklu ya Mêrdînî): Kirmanckî de sîstemê demçekuyan (fiilan).
Mahîr Dogan (Ziwannas û Mamosta): Metodê standardkerdena zonî.
Lerzan Jandîl (Avankerdoxê IKK û Mamosta): Xebitnayîşê xusûsetnameyan û zerfan.
Doç. Huseyîn Çaglayan (Zanîngeha Munzurî ya Dêrsimî): Verê merdena Kirmanckî de çi karî ameyê kerdene û gere çi karî bêrê kerdene?
Kemal Akay Xamirpêt (Nuştox): Alfabeya Kirmanckî: Problemê xo û çareserkerdena nê probleman.
Muzîk û malumatê programî:
Moderatorîya panelî do hetê Wusênê Gestemerde ra bêra kerdene û hunermende Guleser Akbal zî do bi kilamanê xo program de ca bigîro.
Tarîx: 21.02.2026
Saete: 14:00
Ca: Alevitische Gemeinde zu Berlin (Cemxaneyê Berlinî) - Waldemarstr. 20, 10999 Berlin
IKK şar dawetê panelî kerd û wina va: "Ma hêvî kenê ke 21ê Gucige de şarê ma wayîrê nasname (kamîye), veng û rengê xo vejîyeno û nê panelî de cayê xo gêno."
