ZAZAKÎ NEWS - Serekkomarê Îranî Mesûd Pizîşkiyanî va ke, ê fek xebitnayîşê enerjîya atomî ra vera nêdanê û seba caardîşê ney zî, ê kesî ra nêtersenê.
Serekkomarê Îranî Mesud Pizîşkiyanî parlamento de yew qiseykerdiş kerd û behsê xebata Îranî ya zengînkerdişê uranyumî kerd.
Mesud Pizîşkiyanî va: “Heqê ma esto ke ma enerjîya atomî û cigêrayîşanê zanistîyan ra feyde bigêrê, ayra heqê yew kesî çinî yo ke nê heqî ma ra bigîro. Ma seba caardîşê nê heqî qerardar ê û rayîrê xebitnayîşê enerjîya atomî de tersê ma qet yew hêzî ra çinî yo.”
Serekkomarê Îranî Pizîşkiyanî da zanayîş ke ê ceng nêwazenê û înan dest bi cengî nêkerdo û veng da welatanê misilmanan ke vera zordarîya Îsraîlî werzê payan ser, çimkî Îsraîl wazeno ke welatanê îslamî yew bi yew hedef bigêro.
Zanîyeno ke 13ê aşme de Îsraîlî vera Îranî hêrişêko hîra dabi destpêkerdiş û a roje ra nata cengo ke mabênê her di hetan de yo, dewam keno.
